PINDA:NAFURAHI KUMALIZA SALAMA

                                            Waziri Mkuu Mizengo  Peter Pinda
Waziri Mkuu, Mizengo Pinda, amesema anamshukuru Mungu kwa kumuwezesha kumaliza salama utumishi wake serikalini kwenye ngazi za juu ambao umedumu kwa takriban miaka 15.
Akizungumza na waumini wa Kanisa Katoliki wakati wa Ibada ya Jumapili katika Parokia ya Mt. Anna iliyoko Hananasifu, Kinondoni jana, Pinda alisema anamshukuru Mungu kwa kumaliza salama nafasi aliyopewa ya kulitumikia taifa akiwa Waziri Mkuu kwa miaka minane na miezi tisa na katika ngazi ya uwaziri miaka miwili na nusu na miaka mitano akiwa Naibu Waziri.

Mh Pinda ametoa wito kwa watanzania kumtanguliza Mungu kwa kila jambo ili kufanikisha kutatua changamoto zao, huku pia akiwasihi viongozi waliomadarakani kutojisahau kwenda kwenye nyumba za ibada mara kwa mara kwani wengi wao wanamsahau Mungu pale wanapokabidhiwa madaraka.

                                            Mizengo Pinda akiwa Bungeni