Nyota wa Azam FC Farid amaliza majaribio Hispania, kuwasili leo

Winga wa kimataifa wa Tanzania ambaye pia ni mchezaji wa Azam

 FC Farid Mussa anatarajia kuwasili hii leo akitokea nchini 

Hispania alipokuwa katika majaribio ya mwezi mmoja na klabu ya

 Deportivo Tenerife ya Ligi Daraja la pili maarufu kama Segunda

 B.

0

Farid alitafutiwa timu hiyo na wakala wake ambaye hapo awali Farid ilikuwa apelekwe moja ya klabu za Ligi Kuu ya Hispania, maarufu kama La Liga, kati ya Las Palmas na Athletic ya Bilbao kwa majaribio, lakini wakala wake akashauri mchezaji huyo aanzie timu ya Daraja la Kwanza Hispania ili kupata nafasi ya kucheza na kuinuka haraka.

Baada ya majaribio na Klabu ya Tenerife, Farid alifanya vizuri na Klabu hiyo ikakubali kiwango chake hivyo Farid anarejea nchini kusubiria mazungumzo ya Klabu yake ya Azam fc na Tenerife ili kuweza kuitumikia klabu hiyo.

Farid alikwenda Hispania Aptili 21 mwaka huu akitoka kuichezea klabu yake, Azam FC katika mchezo wa marudiano hatua ya 16 Bora Kombe la Shirikisho Afrika dhidi ya wenyeji, Esperance.