Hivi ndivyo Julio na Pluijm walivyotaka kuzinguana katika mechi iliyowakutanisha hii leo

Presha ya mchezo wa Mwadui FC dhidi ya Yanga uliofanyika kwenye Uwanja wa Kambarage mkoani Shinyanga ilikaribia kuvuka mipaka kwa makocha wa timu hizo ambao walitaka kushikana wakati wa mapumziko

Mchezo huo wa Ligi Kuu Bara ambao ulimalizika kwa Yanga kupata ushindi wa mabao 2-0, ulikuwa na presha kuwa wakati wa mchezo na hata kabla ya kuanza kwa kipute hicho, huku kukiwa na tambo nyingi kutoka kila pande.

Wakati wa mchezo huo, makocha wote walionekana kuwa bize kuelekeza huku mara kadhaa wakilalamika, wakati wa mapumziko Kocha wa Yanga, Hans van Pluijm ghafla alioenekana akibishana na Kocha wa Mwadui, Jamhuri Kihwelo ‘Julio’ ambapo haikujulikana ubishi wao ni kuhusu nini.

Wakati wawili hao wakibishana, ilionekana Pluijm akipandisha 'mzuka' na na kufoka kwa sauti ya juu hata alipokuwa akitenganishwa na Julio na wasaidizi wake, kuona hivyo, Julio naye akaongeza sauti lakini hawakuweza kushikana, wakaondoka kuelekea vyumbani.

Julio aliondoka huku akizungumza na msaidizi wa Pluijm, Mwambusi.

Baada ya mchezo huo, Julio alipoulizwa juu ya suala hilo alisema yeye alikuwa akilalamikia baadhi ya maamuzi ya mwamuzi wa mchezo huo ambayo aliona hayakuwa sahihi, ndipo Pluijm akaingilia na kuanza kumjibu kwa ukali.

Matokeo mengine ya mechi za leo

USISAHAU KULIKE NA KU-SHARE NA KU-LIKE PAGE YETU FACEBOOK TIKISA MEDIA KUFOLLOW TWITTER @TIKISA MEDIA NA INSTAGRAM TIKISA ENTERTAINMENT MEDIA ILI HABARI ZOTE KUBWA ZIKUFIKIE HAPO ULIPO.ASANTE