Kocha jose Mourinho, amesema kuwa yeye hajali maneno yanayozungumzwa na watu kama timu yake, Manchester United ilistahili ushindi dhidi ya Liverpool katika mchezo wa Ligi Kuu England.
Kauli hiyo imekuja kufuatia lawama za mchezo huo kutupiwa refarii Muingereza, Craig Pawson, kuwa alilalia upande mmoja ambao ni wa United.
"Kama watu wanadhani hatukustahili kuwa washindi, mimi sijali hilo.
"Hapa nilipo nimechoka, tuna mchezo mwingine siku ya Jumanne, wachezaji wangu wana furaha, nami nina furaha, sina muda wa kuwazia hilo" alisema Mourinho.
Katika mchezo United ilijipatia mabao yake yote mawili kupitia kwa Rashford, huku Bailly akijifunga na kuizawadia Liverpool bao la machozi.
No comments:
Post a Comment