Tazama jinsi Rais Magufuli alivyopokea hati za utambulisho wa mabalozi wanaoziwakilisha nchi zao hapa nchini.

Rais wa Jamhuri ya Muungano wa Tanzania Dkt. John Pombe Magufuli akipokea Hati ya Utambulisho kutoka kwa Balozi mteule wa Jamhuri ya Sudan Mahjoub Ahmed Abdallah Sharfi Ikulu jijini Dar es Salaam. 

Rais wa Jamhuri ya Muungano wa 

Tanzania Dkt. John Pombe Magufuli, leo 

tarehe 10 Oktoba, 2016 amepokea hati za 

utambulisho za mabalozi wanne 

wanaoziwakilisha nchi zao hapa nchini.

Mabalozi waliowasilisha hati zao za 

utambulisho Ikulu Jijini Dar es Salaam ni 

Balozi wa Jamhuri ya Sudan hapa nchini 

Mhe. Mahjoub Ahmed Abd Allah Sharfi, 

Balozi wa Jamhuri ya Slovakia hapa nchini 

Mhe. Frantisek Dlhopolcek, Balozi wa 

Ukraine hapa nchini Mhe. Yevheni 

Tsymbaliuk na Balozi wa Jamhuri ya Ghana 

Mhe. Kwame Asamoah Tenkorang.

Rais  Dkt. John Pombe Magufuli akipokea Hati ya Utambulisho kutoka kwa Balozi mteule wa Ghana hapa nchini Kwame Asamoah Tenkorang Ikulu jijini Dar es Salaam

Rais Magufuli amezungumza na Mabalozi 

hao kwa nyakati tofauti baada ya kupokea 

hati zao za utambulisho, ambapo 

wamesisitiza umuhimu wa kuendeleza na 

kuimarisha uhusiano na ushirikiano kati ya 

Tanzania na nchi hizo kwa kujikita zaidi 

katika biashara na uwekezaji.

"Mhe. Balozi najua nchi yenu ya Sudan ina 

utajiri wa mafuta na imefanikiwa kujenga 

uchumi wake kupitia mafuta, sisi pia hapa 

nchini tumebaini uwepo wa mafuta na gesi 

asilia katika maadhi ya maeneo, 

ningependa uhusiano na ushirikiano wetu 

sasa ujielekeza katika kubadilishana uzoefu 

na ujuzi wa namna tunavyoweza kunufaika 

na mafuta na gesi"  amesema Rais 

Magufuli 

alipokuwa akizungumza na Balozi wa 

Sudani hapa nchini Mhe. Mahjoub Ahmed 

Abd Allah Sharfi.

Dkt. Magufuli pia ametoa wito kwa 

wafanyabiashara na wawekezaji kutoka 

nchi za Sudan, Slovakia, Ukraine na Ghana 

kuja kuwekeza hapa nchini katika sekta 

mbalimbali zikiwemo Mafuta na gesi, 

Kilimo, 

Uvuvi, Mbuga za wanyama, Madini na 

ufugaji.

"Hivi sasa Tanzania ipo katika mpango wa 

ujenzi wa viwanda na pia tunatekeleza 

mpango wa pili wa maendeleo, hivyo 

nakuomba Mhe. Balozi uwahamasishe 

wafanyabiashara na wawekezaji wa 

Ukraine 

waje wawekeze katika viwanda kwani soko 

la uhakika la bidhaa lipo"amesisitiza Dkt. 

Magufuli alipokuwa akizungumza na Balozi 

wa Ukraine hapa nchini Mhe. Yevheni 

Tsymbaliuk.

Rais  Dkt. John Pombe Magufuli akipokea Hati ya Utambulisho kutoka kwa Balozi mteule wa Ukraine

Aidha, Rais Magufuli amewasihi Mabalozi 

wa Slovakia, Ukraine na Ghana ambao 

makazi yao ya Ubalozi yapo Mjini Nairobi 

nchini Kenya kuanzisha Ubalozi wao hapa 

nchini ili kuimarisha zaidi uhusiano na 

ushirikiano katika masuala ya biashara na 

uwekezaji.

Rais  Dkt. John Pombe Magufuli akipokea Hati ya Utambulisho kutoka kwa balozi mteule wa Jamhuri ya Slovakia Frantisek Dlhopolcek

Gerson Msigwa

Mkurugenzi wa Mawasiliano ya Rais, IKULU

Dar es Salaam

10 Oktoba, 2016

USISAHAU KULIKE NA KU-SHARE NA KU-LIKE PAGE YETU FACEBOOK TIKISA MEDIA KUFOLLOW TWITTER @TIKISA MEDIA NA INSTAGRAM TIKISA ENTERTAINMENT MEDIA ILI HABARI ZOTE KUBWA ZIKUFIKIE HAPO ULIPO.ASANTE