TFF yatoa msimamo huu kuhusu suala la klabu ya yanga kukodishwa.

Shirikisho la soka nchini TFF, limetoa 

msimamo wake kuhusu suala la klabu ya 

Yanga kukodishwa kwa muda wa miaka kumi 

kwa kampuni ya Yanga Yetu.

Katika mkutano na waandishi wa habari 

uliofanyika mapema hii leo, katibu mkuu wa 

TFF Celestine Mwesigwa amesema shirikisho 

halijapata taarifa yoyote kuhusiana na 

mabadiliko yoyote katika klabu ya Yanga 

licha 

ya kusoma taarifa hizo katika vyombo vya 

habari.

Mwesigwa amesema TFF bado inatambua 

hadhi ya Yanga kubaki vilevile hadi 

watakapopewa taarifa rasmi na uongozi wa 

klabu hiyo na kuzipitia ili kuhakikisha kama 

kanuni na taratibu za TFF, CAF na FIFA 

zimefuatwa.

‘Nimewaandikia klabu ya Yanga watupe 

nakala za mkataba wa ukodishwaji 

watuelezee nini kimeuzwa, kipi 

kimekodishwa. Kwa sasa msimamo wa TFF 

ni kuwa hadhi ya Yanga iko pale pale.’

TFF wametangaza msimamo huo ikiwa ni 

siku kadhaa baada ya baraza la michezo la 

taifa BMT, kuwataka Yanga kufuata taratibu 

za kikatiba ili kukamilisha mchakato ambao 

umedhamiriwa kufanywa kupitia bodi ya 

wadhamini na uongozi wa kampuni ya Yanga 

Yetu ambayo ipo chini ya mwenyekiti Yusuf 

Manji.

Katibu mkuu wa BMT Mohamed Kiganja, 

alieleza wazi kuwa mchakato wa kukodishwa 

kwa klabu ya Yanga ni batili kutokana na 

suala hilo kutokuwa na baraka za mkutano 

mkuu wa wanachama na pia bodi ya 

wadhamini ambayo inadaiwa kusaini 

mkataba 

wa kukodishwa aliita kuwa ni batili kufuatia 

kuwa na wajumbe wasiotambulika kisheria.

USISAHAU KULIKE NA KU-SHARE NA KU-LIKE PAGE YETU FACEBOOK TIKISA MEDIA KUFOLLOW TWITTER @TIKISA MEDIA NA INSTAGRAM TIKISA ENTERTAINMENT MEDIA ILI HABARI ZOTE KUBWA ZIKUFIKIE HAPO ULIPO.ASANTE