TFF wamtangaza mrithi wa Michael Wambura.

Kamati ya Utendaji ya TFF iliyokaa leo, imemteua Athumani Nyamlani kukaimu nafasi makamu wa rais wa shirikisho hilo.

Nyamlani ambaye ni mjumbe wa Kamati ya Utendaji ya TFF, ameteuliwa kushika nafasi hiyo baada ya Wambura kufungiwa maisha kujihusisha na soka.

Wambura amefungiwa na kamati ya maadili ambayo imeeleza kumkuta na hatia na makosa kadhaa yakiwemo ya kugushi nyaraka kwa ajili ya malipo ambayo yameelezwa hayakuwa sahihi.

Hata hivyo, tayari Wambura amekata rufaa kupinga hukumu hiyo akisisitiza, si sahihi hata kidogo.